Dai man nin problema kun magtao nin komento alagad sa responsableng paagi. Ini an pahayag ni Gobernador Grex Lagman bilang suporta sa surat kan saiyang ama na si Albay Rep. Edcel Lagman kay Tourism Secretary Christina Frasco.
Ini matapos kontrahon ni Congressman Lagman an pahayag ni Albay 2D Rep. Joey Salceda an dai pagtao nin prayoridad sa Bulkan Mayon kan Dept. of Tourism o DOT sa pinakabagong promotional video kan ahensya.
Matatandaan, sa sarong surat kay Tourism Secretary Frasco, sinabi ni Congressman Lagman na an pahayag ni Salceda “essentially political soundbite.” Tinawan doon kan gobernador na dapat mag-research pag “may time” asin dapat magtarabangan na ibusol an turismo.
Sinabi pa ni Lagman na dapat kamotan an Mayon, kamotan an turismo sa Albay alagad sa tamang paagi mantang dai man dapat nin maapektohan lalo na an mga opisyal na nagsusunod sa mandato kan saindang trabaho.
Dagdag pa niya na dai dapat paggamiton an tataramon na “kindness” na garo cheap commodity o devalued stock option. Katrangkilohan, Pagkamoot asin paglaom an dapat mangenot sa gabos na mga Albayano.
//JBa, JMB | Tune in to DZGB-am for more updates #DZGBNewsOnline
Photo courtesy of Bicol politics
