Ipinag-orden ni Police Regional Office 5 Regional Director PBGen. Westrimundo Obinque an mas maigot asin hararom na imbestigasyon sa pambabadil gadan kina PCMS Joseph Ostonal asin PCPL Jeffrey Refereza mantang nagpapatrolya sa compound kan simbahan sa Brgy. Ilaor Sur, Oas, Albay.
Susog sa pahayag na ipinaluwas ni Obinque, matapos na madakop sa Polangui an mga susptesyado na sinda Richard Bonaobra asin Fernan Jardinel, ipinagorden kaini sa mga kapulisan na imbestigaran kun sain konektado an nasabing mga persona.
Segun kay Obinque, dakulang kamunduan an namamatean ngunyan kan saindang komandansya dahil sa pagkawara kan saindang mga personahe. Makusog man na pigkokondenar kaini an siring na pangyayari asin siniguro na gigibuhon an gabos na paagi para matawaan nin hustisya an pamilyang nabayaan ni Ostonal asin Refereza.
Tune in to DZGB-am for more updates #DZGBNewsOnline
Photo Courtesy of Kasurog/PNP Bicol
