Aprubado na kan Sangguniang Panlungsod kan Legazpi an resolusyon na ipigbusol ni Konsehal Alex Jao pamayo kan Committee on Health and Sanitation na maghahagad sa Legazpi City Water District na magbugtak nan in mga water supply system sa nagkapirang eskwelahan an napili para gamiton na evacuation center enkaso kaipohan ng i-ebakwar an mga residente na nasa extended danger zone oras na i-itaas an alert level status kan Bulkan Mayon.
Segun kay Jao dapat na maihanda an mga gagamiton na pasilidad kaibahan na an tubig para sa 4,000 an indibidwal an kaipohan i-ebakwar hale sa mga barangay kan Padang, Bonga, Bagong Abre, Pawa, Dita, Bigaa, Mabinit, Matanag asin Buyoan.
Kaibahan man sa hahagadon ni Jao sa LCWD na gibuhon na libre an kokonsumuhon na tubig kan mga maebakwar dahilan ta nasa irarom man an syudad sa kalamidad dahil sa abnormalidad kan Bulkan Mayon.
//AG, AM • Tune in for more updates
#DZGBNewsOnline
