Strombolian type na pagtuga an nangyayari ngunyan sa Bulkan Mayon. Ini an nahihiling na sitwasyon ni Albay Public Safety and Emergency Management Office (APSEMO) Chief Dr. Cedric Daep sa presenteng estado kan bulkan basado naman sa mga natipon na datos sa aktibidad kan bulkan poon kan Hunyo 8 sagkod sa presente.
Ipinaliwanag ni Daep na bako pa explosive an nangyayari sa bulkan kun kaya mantenidong nasa Alert Level 3 an estado kaini alagad nanutaran an paglangkaw nin seismic data dara kan pagdakol kan mga rockfalls events.
An nangyayari sa bulkan sa presente, an kapareho kan sitwasyon kan 2014 asin kan nangyari kan Disyembre 2009 na puro sana lava an pigluluwas kaini.
Mientras na nairehistro ngunyan kan PHIVOLCS an nasa 1.5km na actual na deposit kan lava hali sa crater kan Bulkan Mayon.
Sa presente nasa 5,760 pamilya o kumpwesto nin 20,103 na indibidwal an mantenidong nagtetenir sa mga evacuation centers sa manlain-lain na munisipyo sa probinsya.
//AG, NG • Tune in for more updates