Apwera sa pigigibong Mayon disaster response operations padagos man an pagtao nin iba pang programa kan Department of Social Welfare and Development o DSWD Bicol.
Patunay kaini an sobra sa 200 milyon pesos na cash assistance para sa sobra 69,000 na mga 4Ps beneficiaries sa Albay. Kasabay pa digdi an 213 milyon pesos na asistensya sa sobra 19,000 na mga senior citizen asin 14 centenarians naman an natawan nin 1.4 million pesos na cash assistance.
Segun kay DSWD Bicol Regional Director Norman Laurio, dakulang pondo an nailokar asin may halangkaw na numero kan mga benepisyaryo an para sa programang Assistance to Individuals in Crisis Situation (AICS) kun sain sobra sa 20,400 an natawan kaini. Kaibahan digdi an sobra sa 7,000 na natawan kan cash assistance, sobra sa 6,000 na para sa educational; sobra sa 4,000 an para sa medical asin sobra naman sa 1,900 an para sa burial assistance.
//AG, AM β’ Tune in for more updates #DZGBNewsOnline
