Sobra na sa 14,000 na mga Albayanong bakwit na apektado kan pag-alburuto kan Bulkan Mayon an natawan nin tabang kan Philippine Red Cross Albay-Legazpi Chapter.
Kaibahan sa mga ipigdistribwer an mga non-food items arug kan sleeping kits, shelter kits, asin water container. Segun sa PRC Albay-Legazpi Chapter, kabilogan na 74% kan mga evacuee an naasisteran na ninda mantang padagos pa man an pakikipag-koordinar sa mga lokal na gobyerno kan mga apektadong munisipyo para maitao man an saindang pangangaipo.
Kaibahan sa mga pigtututukan ngunyan kan grupo an pagsiguro na may supisyenteng tubig sa mga evacuation center sa pagsasabing ini an primerong panguru-aldaw na pangangaipo kan mga nag-ebakwar hale sa mga lugar na nasa laog kan 6km permanent danger zone.
//AG, AM • Tune in for more updates
#DZGBNewsOnline
